Merkilegt nokk þá er Mónakó þéttbýlasta land í heimi – þar búa rúmlega 23 þúsund manns á hverjum ferkílómetra. Landið er að vísu ekki nema tæplega 1,5 ferkílómetrar, sem er skondið. Á hinum endanum er strjálbýlasta land í heimi – Grænland trónir þar óskorað, sennilega til eilífðar. Minnir að þar búi um 0,025 einstaklingar á hverjum ferkílómetra. Til samanburðar má nefna að Ísland, okkar ylhýra, er í 222. sæti af 230 löndum/ríkjum yfir þéttbýli með 3 einstaklinga á kantaðan kílómetra.

Það væri nú reyndar sennilega meira í takt við íslenskan þankagang að snúa þessu á hvolf og hafa feitletrað: Ísland 9. strjálbýlasta land í heimi!

Það má svo sannarlega segja að stundum verði gamall Röskvuliði svolítið einmana í nýju vinnunni sinni… Ég tel okkur þó vera í stórsókn í bankanum… við erum alveg 5 eða eitthvað!

Fékk eftirfarandi póst sendan áðan frá formanni Heimdallar. Mikið gleður það mig að blóð, sviti og tár sem fóru í D-man spilun í prófunum skuli skila sér svona vel í budduna, akkúrat þegar líkamlegt form mitt er komið yfir par (það er farið að slaga vel í tvöfaldan skolla).

Sæll Agnar,
takk fyrir að taka þátt í D-man, kosningaleik ungra sjálfstæðismanna í
Reykjavík.

Bestu kveðjur og þakkir,
Bolli Thoroddsen
Formaður Heimdallar

Margrét S. Björnsdóttir er alltaf að senda mér email. Flestir þeirra eru merktir hagfrnem, hinem eða einhverri álíka orðavitleysu. Það væri nú ekki í frásögur færandi nema útaf því að ég rakst á grein eftir hana í Morgunblaðinu í gær. Fjallaði greinin um brýnustu verkefni næstu ríkisstjórnar, aðkomu Samfylkingarinnar að málunum og það að samstarf við Sjálfstæðisflokkinn væri ekki einungis mögulegt, heldur beinlínis æskilegt. Fyrir ungan hægri krata sem dæsir ósjaldan yfir ástandi heimsins var þessi grein svo sannarlega uppörvandi lesning. Flott, bravó, kúdós – meira af þessu!

P.S. Niðurlagið þótti mér einstaklega gott… “Samfylkingin á ekki að mynda bandalag með tilteknum flokkum fyrir næstu kosningar. Tímar R-listans eru liðnir. Vinstri grænir brutu upp R-listann undir forystu Svandísar Svavarsdóttur og greiddu þar með leið Sjálfstæðisflokksins til valda í Reykjavík. Undir forystu Steingríms J. Sigfússonar klufu þeir sig út úr sameiningarferli vinstri flokkanna þegar Samfylkingin var mynduð. Í bæði skiptin voru flokkshagsmunir settir ofar möguleikum sameinaðra vinstri manna til áhrifa. Vinstri grænir eiga því engan móralskan rétt gagnvart Samfylkingu um að vera annað en einungis einn mögulegra samstarfskosta.”

Mér fannst Harold and Maude, sem fjallar um ástarsamband tvítugs pilts og tæplega áttræðrar konu, ansi hreint skondin mynd á sínum tíma. Það var þegar við félagarnir vorum með virkan kvikmyndaklúbb – hittumst reglulega og skiptumst á að leigja gamlar, flippaðar, óháðar eða bara spes myndir og fræddum hvor annan um þá mynd sem hafði verið fyrir valinu hverju sinni. Gott ef þetta hófst ekki á því að við vorum alltaf ósammála um hvaða mynd ætti að leigja – lang auðveldast að skiptast þá bara á að ráða! Gott ef ég reið ekki á vaðið með Dr. Strangelove og kom svo síðar með þá mynd sem naut mestrar hylli viðstaddra (að sjálfsögðu voru stjörnur gefnar og myndinni gefin heildareinkunn), brasilíska snilldarverkið Cidade de Deus. Hafði þá lagt nótt við dag við að reyna að finna eintök af henni enda var hún ekki komin til Íslands, en naut mikillar hylli á kvikmyndahátíðum erlendis. Fann að endingu ólöglegt eintak af henni í Laugarnesvídjó, þeirri nostalgíusjoppu. Mæli klárlega með ræmunni fyrir alla þá sem hafa unun af góðum bíómyndum.

13 lönd á 12 mánuðum og ég er kominn með nóg.

Ég kýs að taka stikkorðafærsluna á þetta, a la Maggi Már… sennilega ekki það frumlegasta í heimi, en ósei ósei.

Týnt kreditkort, týnt vegabréf, skilinn eftir í London, George Best Bar, mikið labb, stórbrotið landslag, smekklegt klósett, brotinn lampi,  hrotur, misheppnuð tilraun til paraglæds, önnur misheppnuð tilraun til paraglæds, paraglæding úr 1800 metra hæð, engin lofthræðsla, býflugnasafn, harðfiskur, villigötur, fangelsaðir, kani, Andrej og Abril, Tequila á línuna, Union, Jalla Jalla, mjóasta hús í Ljubljana, Burek, Burek, kókkassi, þykkildi, skrifstofa slóvensku stúdentasamtakanna, leitin endalausa, biðin endalausa, Lehmann, reitt mótorhjólagengi, hvar er Ásgeir?, langkeyrsla, ferja, HVAR erum við?, ástralskir ferðalangar, gjörningur á Mama Leone, 34 VodkaRedBull, 10 skot í boði hússins, dauður maður á bát, migið í sjóinn, Carpe Diem, kastaladjamm, gamli kallinn sprækur, 2 snekkjur leigðar, minnsta strönd í heimi, sólböðun, kaldur sjór, nektarströnd, góður matur, póker, all in, opin sturta, magakveisa, hressleiki, erum við að bíða eftir Andrési?, krókaleið, stoppaðir af löggunni, töff brú, heilög maría mey, geggjað Dubrovnik, 25 þúsund króna bindi, sekt, tollfrjáls varningur, Do you now that Iceland was the first to recognize your country?, Nína, Nína í annarri útgáfu, Til hamingju Ísland, skátarnir, check-in í annarlegu ástandi, Trocadero, blessuð börnin fá að éta, A. Tyson, opin búð, ströndin, klettastökk, Katherine, Meg & Betty, nokkrir brotnir stólar, ósmekklegur pungur, stærstu samlokur allra tíma, dauði og djöfull, höfuðvígi mafíunnar, úr alfaraleið, hrikalegur vegur, rútan, flottir Svartfellingar, göt í gólfinu, góður matur, rafting, flotgallar, splash, stokkið af kletti, hey balumpa, svitalykt, stoppaðir af löggunni, löggumútur, 60 km hámarkshraði, einstefna, falinn bíll, Hotel Savoy, hermannabeddar, íssssköld sturta, moska, tyrkneskt stuð, glæsibæjar-mall, svikull þjónn, ceveplica, sarajevsko pivo, í fótsporum Gustavo Princip, áfram Barbarez, þýskukunnátta, heimavist, 6 í röð, burrr, sýnikennsla, unisex-sturtur, Billy Idol, 15 mínútur, maggi flotti, sofið út, mcdonalds, manni, Steven Segal, klausturlíf, demparar, Nocturno, Dynamo Zagreb, “Helgason, Agnar Freyr, please come to the information desk right away”, sprengjuhætta, enðaslapp…

Já.. ætli þetta hafi ekki verið ferðin í hnotskurn.