Könnun um formennsku í Samfylkingunni
Vísir, mbl.is og DV greina frá því “tæpur helmingur” vilji hvorki Ingibjörgu Sólrúnu né Jón Baldvin sem formann Samfylkingarinnar. Ekki kemur fram í fyrirsögnum miðlanna tæpur helmingur hvers enda myndi fréttin vera heldur rýr ef greint væri frá því strax í upphafi.
Að slá því upp sem sérstakri frétt að helmingur allra kjósenda styðji ekki tiltekið fólk í flokk sem það kýs ekki er afskaplega léleg fréttamennska. Það kemur mér raunar ekkert sérstaklega á óvart að til dæmis Sjálfstæðismenn hafi lítinn áhuga á ISG eða JBH. Hvernig ætli þetta væri ef þessu væri öfugt farið – verið að spyrja um formann Sjálfstæðisflokksins til dæmis. Ekki held ég að sá stuðningur myndi ná mörgum tugum prósenta.
Það sem er auðvitað aðalfréttin er hvaða hug kjósendur Samfylkingarinnar hafa til formannsframbjóðendanna. Að ISG sé með tæplega 70% stuðning þess stokks finnst mér raunar vera nokkuð mikil stórfrétt – svona miðað við hvað fólk hefur verið að gagnrýna hana og segja hana vera rúna öllu trausti. Hún hefur hins vegar greinilega ennþá stuðning meginþorra Samfylkingarfólks – skrítið að miðlarnir hafi ekki neinn áhuga á því…
Tengdar færslur
3 athugasemdir
-
Gulli ritar:
7. mars 2009 @ 17:03Kemur á óvart hversu mikill stuðningur er enn við ISG hjá Samfylkingarfólki. (samt ekki dýrkunin er svo mikil) En það gengur ekki hjá Samfylkingunni að bjóða ungum kjósendum upp á formannsbaráttu á milli heilsutæps formanns sem er alls ekki með hreint borð og 70 ára uppvaknings.
Þetta er ekki málefnalegt en svona sér unga fólkið það. Þessir formannskandídatar hjálpa okkur ekki við að auka fylgi okkar í aldurshópnum 30 ára og yngri – þar sem við verðum einmitt að taka okkur á.
Skynsamlegast hefði verið að skora á Jóhönnu til að fara fram í formanninn. Hún hefur víðtækt, óumdeilanlegt, traust. JBH og ISG eru allt of umdeild.
-
Aggi ritar:
7. mars 2009 @ 18:02Skal ekki segja – mér finnst þú nokkuð dómharður í garð ISG. Jú, það væri að sjálfsögðu betra að hafa heilsuhraustan formann sem gæti verið með á fullu, en ég efast ekki um að hún muni verða virkilega öflug þegar hún nær sér aftur.
-
Hrafn ritar:
7. mars 2009 @ 18:20Ég hnaut einmitt um þessa bullfrétt líka. Ég giska á að hringt hafi verið í 600 og 42% svarað.
Ég er á móti því að reykingar verði bannaðar með lögum á veitinga- og skemmtistöðum. Fólk hnyklar yfirleitt augabrúnirnar í vanþóknun og fussar yfir mér þegar ég tjái því þetta...
Þá er kjördagur runninn upp. Langri og strangri kosningabaráttu er að ljúka og maður er eiginlega farinn að bíða óþolinmóður eftir dómi kjósenda. Kosningabaráttan hefur að mestu verið málefnaleg og...